飛機上的10個小秘密

空中服務員話你知，而你可能不知道飛機上10個秘密 （上）

係空中服務員嘅角度，乘客安安靜靜，簡單冇要求，就係Happy flight。但係乘客嘅角度，俾咗錢就緊係享盡所有啦！但當你使用飛機上嘅設備，服務嘅同時，你又知唔知……

座位，地氈

經常都會見到乘客除鞋，赤腳咁喺飛機上行來行去。是咁的……

其實每一架飛機都非常繁忙，基本上每一班機降落之後都喺緊接住另一班航班，以飛機唔同嘅型號大小，一架飛機大概有一百幾十至三百個左右嘅座位。其實清潔嘅時間只有短短二十分鐘左右。可以想像一下…… 都喺著返對鞋啦！

枕頭，毛氈

嘩，飛機真係好凍，麻煩你俾張氈我！

當然每次你會見到張氈有包裝，好似新嘅一樣。是咁的……

除咗個包裝膠袋係新之外，張毛氈，枕頭都係重用重用再重用㗎！我勸大家都喺帶件外套上機啦！

咖啡，茶，熱水

可能大家有聽聞過飛機上嘅水箱，係十年都唔會洗一次！就連機艙嘅清潔都只有二十至三十分鐘去清理！咁個水箱呢？

咖啡，茶，熱水，都係來自那個十年唔洗嘅水箱….. 都係飲樽裝水或者其他飲品啦！

講返啲正面啲嘅嘢啊！

飛機餐

飛機餐好唔好食，見人見致啦！當你好肚餓嘅時候，只要你問，唔問就一定冇囉!XD

飛機餐喺可以食多個㗎！ 通常每班機都會預多小小份量去應付各位乘客。當然唔係一定有，但唔使怕醜，食得唔好嘥，因為降落之後所有飛機餐都會棄掉。喺時間許可下，空中服務員都會為你提供！不過去旅行緊係留肚「食好西」啦！

杯麵

食唔飽，或者飛機餐好難食？！飛機上的確喺有杯麵嘅。但係一般嘅情況下空中服務員都願意提供！ 點解？因爲佢哋嫌麻煩？！其中一個原因喺飛機成日都會遇到氣流，當飛機都唔穩定嘅時候，「咖啡杯都企不穩」，個杯麵都唔會企得穩囉……

如果你真係要求食杯麵，你會發現個杯麵喺唔會熱辣辣㗎！因為安全問題，空中服務員唔會用全熱水去沖杯麵的。食杯麵，緊喺熱辣辣先好食㗎啦！對不對？

續……