飛機上的10個小秘密(下)

旅行智慧

空中服務員話你知,

而你可能不知道機上10個秘密 (下)

隨住廉航,各航空公司嘅機票優惠,幾千蚊,甚至幾百蚊已經可以買到張機票去旅行,真喺話去就去!當你喺飛機上嘅時候,你又有冇留意到?或者有一啲你一直唔知道嘅事情,等小編話你知一啲關於安全嘅小知識丫……

飛機洗手間

飛機上嘅洗手間雖然喺可以上鎖,但空中服務員喺可以從外面打開已上鎖嘅洗手間,喺因為安全理由或緊急嘅情況下,能夠即時開門去處理緊急嘅事情!同時空中服務員大約十五至二十分鐘都會檢查洗手間去確保乘客嘅安全!所以無論你喺洗手間入面 gathering 或者辦緊大事,當你聽到有人敲門,記住比個反應外面嘅人,敲下門或者表示一下入面有人,可以避免發生尷尬嘅情況!

機師,副機師飛機餐

飛機餐除咗分開經濟客艙、商務客艙、頭等客艙,仲有喺機組餐! 而且機師同副機師都唔可以食同一樣嘅餐,舉個例,一個食牛,另一個就要食魚喇!呢個都喺為咗飛機安全,避免食物中毒嘅危機!至於邊個揀先就要猜包剪揼喇,XD!

機艙燈光

你有冇留意到飛機起飛同降落嘅時候,尤其喺夜晚,機艙嘅燈光會調暗!喺為咗等你好訓啲? 其實喺為咗你嘅眼睛能夠適應黑暗,以防突發事故嘅時候可以睇清楚周圍環境能夠盡快逃生,因為起飛降落嘅時候喺最危險的!

飛機上飲酒

一般嘅航空公司餐飲都會提供免費紅酒、白酒、啤酒等!嘩,唔使錢,緊喺暢飲啦! 有專家指,空中飲酒,比較喺地面上飲酒較容易醉。網上亦有流傳,專家嘅說話喺真定假?

相信都知道酒精會影響血液循環、呼吸系統,容易引發起疾病,萬一空中引發起疾病,需要時間降落地面,難以進行有效嘅急救!命仔緊要啊!所以飲酒,適可而止啦!

安全示範你有冇睇過?

唔知道大家有冇曾經專心去睇過起飛前嘅安全示範呢?因為整個示範都會話你知,飛機上救生設備嘅位置、用法,逃生出口嘅位置等,都同你非常有關!例如點解每次臨起飛前空中服務員都要乘客將隨身行李放係前面座位下面,係有原因的,因為救生衣就喺你座位下你腳嘅後面。

而氧氣面罩掉落嘅時候,從拉落黎戴上嘅一刻,大概只能維持15至20分鐘嘅氧氣,時間喺足夠飛機回到較低嘅高度!最重要嘅喺一但機艙缺氧,你只有15至20

秒嘅清醒時間,當氧氣面罩掉下,就即刻要戴上氧氣面罩!

下次去搭飛機去旅行,記得留意下喇^.^

分享:
Recommended Posts