空姐話你知入住酒店要做的5件事

以下喺大家都會問嘅問題……

空姐出差住酒店喺咪自己一個人一間房？

答案 : 喺，每一個人都會有自己嘅酒店房。

吓？ 咁咪好驚？

答案: 小編我唔太驚，因為每做完一班機有時甚至喺做咗幾班機之後，放工返到酒店，已經筋疲力盡，冇時間比我去諗，去驚，沖完涼就訓！

如果驚嘅話，有啲同事會選擇Share room 一齊驚 ，咁囉！XD

但驚唔驚都好，等小編話你知入住酒店房後要做的事……

入房先敲門

敲門背後嘅意思（你懂的）

是咁的，敲門其實喺確認一下房裡面有冇人！有時候酒店出錯，double room 都唔出奇㗎嘛！ 有一次…… 當我敲完門，拍匙卡嘅時候…… 真喺有人開門嘅，嗰一下個心真喺離一離，再望一望…… ?，原來去錯樓層，但最驚喺我拍完張卡之後喺著綠燈㗎…..

好彩敲一敲門，如果直接開門會點？

入房行一圈

入到酒店房之後，第一時間要開哂所有燈，打開衣櫃，打開窗簾，打開哂開得嘅門，再望吓床下底， 睇下有冇啲唔應該存在嘅嘢，是真的！老鼠啊 、蛇啊 、蜘蛛啊 （ 尢其喺東南亞地區）。睇吓房間入面有冇嘢壞啊或者爛！ 是必須的！

請勿打擾

要掛個請勿打擾牌喺門出面，因為通常一朝早酒店房務員會逐間房去清潔，執房，當房務員見到個牌就唔會開門喇！如果外出我都會掛住請勿打擾牌，冇機會去比其他人走入房間，雖然冇一百幾廿萬放喺房，但唔見咗嘢，都會唔開心㗎嘛，對不對？

門要鎖好

最重要嘅就喺鎖門，但唔喺就咁關門就叫鎖咗門 ！由於我親身經歷過嗰張萬能Key 卡， 喺可以開到人哋度門之後，我就一定會用埋安全鎖(防盜鏈) 。咁就安心哂啦！

飲用水放床邊

去到唔同地方，有唔同嘅天氣，酒店房嘅冷氣又會令到人好乾，小編有一個習慣，小編會放兩支水喺床邊，半夜感覺到口乾伸手就可以飲到水啦！另外如果去到一啲會地震嘅地方，萬一有咩事，水喺非常重要！ 預防萬一啊嘛！

講到水，就會諗到酒店房個水煲，小編盡量都好少用，因為真係聽得太多故事，又話會用來浸絲襪，又話會用來洗底褲！ 聽到都驚！

真喺要用到嘅話，我會煲兩次先飲，倒嘅水用來消毒吓浴缸或者洗手盤，自我感覺會良好啲！