澳洲HOT AIR BALLOON體驗團

旅遊情報 澳紐 自由行攻略

澳洲HOT AIR BALLOON體驗團

你以為只是土耳奇先可以玩熱氣球?今次小編去澳洲開恩茲為你直擊報導熱氣球睇日出的體驗。

天氣對於熱氣球的飛行非常重要,天氣不佳或者太大風都會取消飛行,所以今次小編選取在一年有300日以上都有藍天白雲的開思茲乘坐熱氣球。

今次小編參加左HOT AIR BALLON的體驗團,由於要睇日出的關係,車隊凌晨4點多就已經到酒店大堂等候。小巴大約可以坐20人,小巴後面仲連住一個行李架,可以擺放行李。不少團友都帶埋行李,玩完熱氣球就趕去機場回國。

團友有7成以上都是日本人,連司機都是日本人,小編非常驚訝!由開思茲市區出發,大約要一小時先到目的地,目的地是MAREEBA高原。差不多去到目的地之前,司機會先在MAREEBA CENTENARY PARK停車,俾大家去洗手間。大家記得一定要去洗手間,因為一陣去玩熱氣球的時侯只是一片空地,唔會有任何洗手間,除非你想去草地解決啦。

熱氣球的飛行有分兩班:

第一班:快速飛行(Express balloon tour):

如果選擇快速飛行的話,一落左小巴就要準備好上熱氣球。第一班的好處是一去到就有得玩,唔洗等甘耐,同埋日出的時候你會在天空上面。壞處就是佢是貴少少,同埋一黎到就要上熱氣球就會少左影相的時間。飛行時間為30分鐘。優點是完左熱氣球飛行會立刻上小巴回程,慳左時間唔洗等,好適合要趕住去坐飛機的人,唔洗留多一日玩熱氣球又可以慳多晚酒店。

第二班:標準飛行(standard balloon tour)

標準飛行的飛行時間都是30分鐘,優點是可以平少少,同埋多左時間影熱氣球升空(第一班飛行時可以影相),完左飛行仲會全部人一齊收熱氣球。

,是難得的體驗。缺點是就要等第一班express flight完左先可以上熱氣球,等候時間較長。小編都是坐第二班。

風向會影響第一班熱氣球的降落,所以標準飛行的朋友仔會坐車追逐第一班熱氣球,等第一班熱氣球降落時,才可上熱氣球。為左保持熱氣球的重量,要一個人換一個甘行上熱氣球,一次唔可以落太多乘客,否則熱氣球會飄番上天空。一程大約可載20個乘客。

溫馨提示:

女士們最好穿長褲同埋唔好著雪紡衫,因為爬入熱氣球的時候會勾到件衫。最重要是唔好著拖鞋或涼鞋,如果著拖鞋工作人員會因為安全問題而要你除鞋,甘你成程就要赤腳玩。由於要控制重量,上熱氣球時只可以帶相機,電話同太陽眼鏡,其他行李要放車上,由司機看管。

等左甘耐終於上熱氣球喇!機師會按風向調節升空,熱氣球緩緩飛上天空,好興奮!

清晨在Mareeba高原俯瞰原野,看日出及破曉彩霞的天空。腳底下是大片田原。

大地在我腳下。

30分鐘的飛行好快就完,降落時會將藤籃打側90度角,方便大家爬出來。大家會一齊收拾熱氣球。

之後就會回小巴,可載大家去吃草原早餐。

早餐比想像豐富,有煙熏火腿、菠菜煎蛋餅、牛肉香腸.烤番茄、丹麥酥皮餅、燕麥條、水果 香槟、番石榴汁或桔汁.熱茶和咖啡。

澳洲人好識享受,在一大片草原邊吃早餐邊飲香檳。回程可以選擇酒店、機場或KURANDA CABLE CAR站接送。

Cairns Hot Air Balloon

價錢AUD 260

www.hotair.com.au

分享:
相關內容