沖繩親子遊

亞洲 旅遊情報 日本 沖繩 親子遊

根據非正式統計,香港人最喜愛旅遊熱點-日本!無論去幾多次都唔會覺得悶,厭倦嘅地方!

而沖繩喺最接近香港,從香港到沖繩只需兩小時左右!可以買盡,食盡,玩盡,又可以帶小朋友放電嘅地方,一個非常適合一家大細嘅旅遊熱點!

放電之選- 浦添大公園

唔使錢,任玩唔嬲嘅大公園!係香港真係好小有!小朋友見到一定心心眼,唔捨得走嘅地方!免費暢玩全長90公尺滾輪式滑梯!

由於速度比較快,所以建議儘可能穿著長褲,鞋子,以免擦傷。

地址: 901-2132 沖繩縣 浦添市 伊祖115-1

營業時間: 9:00-21:00

必去景點 -沖繩美麗海水族館

水族館規模非常之大,樓高4層、總面積達1.9公頃。最多人停留嘅地方就係呢度,「黑潮之海」-大水槽,喺呢塊咁大嘅玻璃前,睇住呢個海底世界,最注目嘅,就喺呢幾條鯨鯊,悠然自得咁游啊游,非常震撼,小編都睇到唔捨得走!

除左水族館可以觀賞水中世界之外,入面仲有一個海洋博公園面積龐大,而且免費入場,裡面有海豚劇場、海牛館、海龜館!

仲有不同年齡小朋友都可以玩到癲嘅大型繩網陣,基本上可玩上大半天絕無問題。

地址:沖繩縣國頭郡本部町石川424

營業時間:8:30-18:30 *3月〜9月 8:30-20:00

沖繩美麗海水族館在關館前1小時便不再接受遊客入館

官方網站:https://churaumi.okinawa/sp/tc/

雪糕店 -Blue Seal Ice Park

喺沖繩,去到邊都見到嘅雪糕店!

Blue Seal Ice Park, 只需要1500yen,就可以體驗一次DIY製作屬於自己獨一無二嘅雪條!首先網上預約,步驟都好簡單,揀好時間輸入資料,然後會有個確認email,用電話cap咗圖,就ok 喇,非常方便!

需要早15分鐘到達,到達後去到Information出示確認email, 付款,就ok 喇!

成間店都係糖果色,非常吸引,唔止小朋友見到開心,大朋友都會被感染!

小編都忍唔住要整返一個屬於自己獨一無二的雪條!

首先就喺揀自己鐘意嘅形狀,然後揀雪糕嘅味道,有四種,雲呢拿、朱古力、紫薯、芒果! 而紫薯係沖繩嘅產物,如果你係紫薯控,就唔使諗啦!

之後就係揀朱古力脆皮,個味道分別係白朱古力,朱古力,士多啤梨! 其實視乎你鐘意咩色,XD!

再揀下雪條上嘅裝飾,之後可以交俾店員為你準備材料,然後就可跟住自己畫嘅草稿,動手開始製作屬於你獨一無二嘅雪條喇!

完成之後店員會將你嘅作品,放入保冷袋!記得一個鐘之後先食啊!

仲有一杯雪糕送嫁!一個非常值得嘅體驗,大朋友,小朋友都非常開心!

地址:沖繩縣浦添市牧港5-5-6

體驗費用:1,500日圓/人(含稅)

營業時間:9:00-17:00 全年無休

官方網站:http://icepark.blueseal.co.jp/

分享:
相關內容