世界上最近距離觀看小企鵝的團

旅遊情報 期間限定 澳紐

世界上最近距離觀看小企鵝的團

今次小編遠赴澳洲旅行,其中一個目的就是為左睇企鵝回巢。比較左幾個地方之後,決定去塔斯曼尼亞睇,因為塔斯曼尼亞可以零距離接触企鵝仔。

墨爾本的PHILIP ISLAND睇企鵝

墨爾本的PHILIP ISLAND本身都是考慮之列,但是PHILIP ISLAND只可以在VIP ZONE的觀景台遠距離睇企鵝,仲要如果落雨都唔可以用遮,只可以用雨褸,因為用遮會遮著後面的觀眾的景觀,但PHILIP ISLAND好近海仲要墨爾本成日都落雨,海風再加上落雨都真是寒風刺骨,而且PHILIP ISLAND為左保護企鵝仔,是唔可以手機及相機拍攝。因為企鵝仔的眼晴好脆弱,閃光燈是會令企鵝仔盲架,所以大家就算要拍企鵝仔都一定唔好用閃光燈呀!同埋VIP ZONE都只是得一個導賞員,但賞企鵝的人數是幾十或者過百人,基本上個導賞員似管理員多D,都只是叫我地唔好用手機同埋用遮。

 

塔斯曼尼亞LOW HEAD睇企鵝

相比之下,塔斯曼尼亞LOW HEAD可以近距離甘睇隨時會有企鵝仔走去你腳下,仲可以用手機或相機拍,自由好多,當然大家都是唔可以用閃光燈啦。同埋LOW HEAD企鵝團是小型團,每一團一個導賞員對十幾個遊客,會比較好,保育都做得好D。

塔斯曼尼亞的企鵝介紹:
塔斯曼尼亞的企鵝叫神仙企鵝,體型最小,這種小企鵝又名小藍企鵝,是世上體型最小的企鵝品種,只有40cm高及1.1kg重。哺育季節是8月至1月,看企鵝寶寶的高峰期是12月至1月。

第一步曲:望夫石甘等企鵝由大海上岸:

第一部份是到海邊等待一隻一隻的小企鵝從海裡回來。企鵝仔要日落之後先會出黎,等待好漫長,好彩LOW HEAD的黃昏都好靚。

太陽落山之後企鵝仔開始上岸了。

小企鵝都好似羊群一樣,一般不會獨自歸家,所以你會睇到好多小企鵝上水後呆呆甘站在沙灘上,但當其中一隻好有勇氣甘踏出第一步,小企鵝們就會一湧而上,齊齊出發。

(溫馨提示,不能用閃光燈,不能超出導賞員定出的警界線,不能擋企鵝的路,嚇怕他們的話,他們就會轉頭衝回大海。)

第二步曲:超近距離接觸企鵝

導賞員會帶領團友回到沙灘較高近企鵝窩的地方,在小企鵝必經之路等他們回來。重頭戲黎喇,運氣好的會被導賞員選中,站在通道上等待小企鵝在腳下經過。


(同樣要注意,不能用閃光燈,不能摸企鵝,有時候他們會因為天生好奇,去咬一下你鞋上發光的表面,但是千萬唔好還手嚇親佢地呀。)

 

第三步曲:餵企鵝仔

到最後一部份,就是去看企鵝窩,看小企鵝餵餇小小企鵝的溫馨埸面。

其實小小企鵝會有好心急,想快少少見到爸爸媽媽。好運氣的還能看到他們下水再展開覓食之旅的一幕(企鵝父母實施輪班制,一個來一個去,唔會俾小小企鵝一個人甘寂寞,好窩心)

參考資料及圗片來源:

https://www.penguintourstasmania.com.au/

Address: 485 Low Head Road, George Town, Tas, 7253, Australia

TEL:+61 (4) 18361860

企鵝團價格:AUD 22(入場費)

交通:

自駕的朋友仔可以先到以上網址預約企鵝導賞團,再自駕到以上地址。但回程時天黑同埋街燈比較少,再加上路上會有野生動物如袋鼠,要加倍留神。

如果唔會自駕的話可以參加當地的LOCAL TOUR,大約AUD 60包市區LAUNCESTON來回及企鵝導賞團的入場費。

由於唔同季節的日落時間不同,企鵝團的開始時間都有所不同

Jan 9.00 / 9.15pm
Feb 8.30 / 8.45pm
Mar 8.00 / 8.15pm
Apr (7.45) 6.30 / 6.45pm
May 5:30 /5:45pm
Jun 5:30 /5:45pm
Jul 5.30 / 5.45pm
Aug 6.00 / 6.15pm
Sep 6.15 / 6.30pm
Oct (6.45) 7.45 / 8.00pm
Nov 8.15 / 8.30pm
Dec 8.45 / 9.00pm

溫馨提示:

海邊比較大風要帶多件外套保暖,最好帶埋雨傘或雨褸以防落下雨。

分享:
相關內容